Matapos ang isang matagumpay na pagtatanghal ng Riddle of
the Sphinx, ay muling nagbabalik ang Artist Playground Inc., sa The Little Room
Upstairs kung saan itinanghal ang Tag-Ani.
Ang Tag-Ani ay isinulat ni Amelia Lapena Bonifacio na kung
saan pinapakita ang pag-ibig sa mga mata ng mga taong nasa ginintuang taon na
ng kanilang buhay. Itinatampok sina Ermie
Concepcion at Ces Aldaba, mga batikang actor sa mundo ng pag-arte, na kanilang
pinamalas na kahit ikaw ay nasa ginintuan yugto na ng iyong buhay ay pwede ka
pa din umibig at mag mistulang bata kung dumiga ngunit ang masaklap na
katotohanan ay sadyang kailangan tanggapin
. . . na may mga nagmahal ng lubos at sadyang nawala sa kanila ito at
mayroon din na hindi pa nakakaranas ng pag-ibig. OO, eto ay isang trahedya-comedia, na may
halong romance.
Nakakaaliw panoorin ang mga nagsipaganap sa kadahilanang
walang halong pilit ang kanilang pag arte.
Sila pareho ay nasa edad na batid ng may akda at marahil naiintindihan
nila ang mga nuances na sinasabi sa
kanilang karakter. Batid ng manonood na
dati ng nagsama sa entablado ang dalawang actor dahil meron na silang rithmo sa
isa’t isa. Ang kanilang batuhan ng dialogo
ay sadyang malinis – senyales ng kanilang katagalan na sa industriya ng paganap
at respeto sa isa’t-isa. Maigsi man ang
pagtatanghal, nagawa pa din nitong bigyan ng kilig ang mga manood. Ang estilo ng direksyon na ginawa ni Roeder
Camanag ay simple. Dahil sa respeto niya
sa mga gumaganap, naramdaman niya ang lubos na tiwala mula sa dalawa sa mga
kinikilos at bitaw ng mga dialogo nito.
Eto ang isang magandang collaboration
sa pagitan ng artista at director.
Ang isang bagay na nakakatuwa sa produksyon na ito ay ang
pagbigay o lagay ng spotlight sa mga
artista na may edad na o tumanda na sa pag-arte. Madalas sa hindi, mga bata ang nabibigyan ng
mga primyado o lead roles sa
isang pagtatanghal at ang mga may edad na ay supporting roles na lamang.
Ang sarap isipin na dahil meron tayong mga piyesang tulad ng Tag-Ani,
kung kaya’t nabibigyan natin ng sapat na papuri ang mga artista tulad nina
Ermie Concepcion at Ces Aldaba. Sila na
patuloy na nagbibigay buhay at humuhubog sa kaisipan ng ilang kabataan na syang
magpapatuloy ng apoy ng pag arte.
Dahil sa ganda na nagmumula sa isang simpleng pagtatanghal,
hindi katakataka na nagkaroon pa ng isang linggong dagdag sa pagtatanghal ang Tag-Ani. Kudos!
Mga ilang eksena sa dulang Tag-Ani:
Walang komento:
Mag-post ng isang Komento